வேதங்கள் இவை அனைத்தும் குறை உள்ள கண்களுக்கு மட்டும் பலவாகத் தெரியும் ஆனால் ஒரே விதமான , ஒன்றே ஆன பிரம்மம் ( பரம்பொருள்) என்று பறை சாற்றுகின்றன. நீங்கள் '' நான் தெய்வமே '' ( அஹம் பிரம்மாஸ்மி) என்று ஆணித்தரமாக இருக்க வேண்டும்; நீங்கள் அதன் பின் '' அழிவற்ற தன்மையின் புதல்வர்களாக '' ( அம்ருதஸ்ய புத்ர;) உங்களையே மாற்றிக் கொண்டு விடுவீர்கள். நீங்கள் எப்போதும் உங்களை, பஞ்ச பூதங்கள் இணைந்து உருவாகி,ஒரு நாள் சிதைந்து அந்த பஞ்ச பூதங்களாகத் திரும்பப் போகும் '' நான் இந்த உடல் தான் ''( அஹம் தேஹாஸ்மி) என்று கூறிக் கொள்வதால், உங்களை நீங்களே '' மாயையின் புதல்வர்கள் '' ( அன்ருதஸ்ய புத்ர;) எனத் தாழ்த்திக் கொள்கிறீர்கள். இந்த மனப் பாங்கே துக்கத்தை வளர்க்கிறது; மேலும் அதிருப்தியின் ஆணி வேரும் இதே. எப்போதும் உள்ளுறையும் இறைவனைத் தியானியுங்கள்; அது உங்களுள் அனைவரிடம் அன்பு கொள்வதை வளர்க்கும்.இதன் பின் நீங்கள் அனைவரிடத்திலும் நல்லதையே காண்பீர்கள்,மேலும் பிறருக்கு நன்மையை மட்டுமே செய்ய விழைவீர்கள்.