இறைவன் என்ற காந்தத்தை நோக்கி எப்போதும் ஈர்க்கப் படும் ஊசியைப் போன்றவரே பக்தர். ஆனால்,அந்த ஊசி சுத்தமாகவும், அருகாமையிலும் இருக்க வேண்டும். நீங்கள் அவரது கருணையை இன்னும் பெறவில்லையே என்று கருதினால், ஊசி சுத்தமாக இல்லை என்றே பொருள். தவறுகளுக்கு வருந்துவது என்ற முறையினால், பற்றுதல் என்ற சேறு, தூசி மற்றும் துருவை நீங்கள் சுரண்டி எடுக்கவில்லை. அருகாமை என்பதை உடலளவில் அருகில் இருப்பதை நான் சொல்லவில்லை. உங்களுக்கும் எனக்கும் இடையில் இருக்கும் தூரத்தை நான் மைல்கள் அல்லது மீட்டர் கணக்கில் அளவெடுப்பதில்லை. நீங்கள் உடளவில் என்னிடமிருந்து வெகு தூரத்தில் இருக்கலாம், ஆனால் மனதளவில் என் பக்கத்தில் இருக்க வேண்டும். நான் எப்போதும் உங்களுடனேயே, உங்களுள்,உங்களுக்குப் பக்கத்தில் இருக்கிறேன். நீங்கள் தான் என்னை உணர்ந்து, நான் இருப்பதைப் பயன் படுத்திக் கொள்ள வேண்டும். நற்பண்புகள், நற்பழக்கங்கள் மற்றும் மனப்பாங்கு, மேலும் உயர்ந்த குணங்களை வளர்த்துக் கொள்ளுங்கள்.இதயத்தில் அன்போடு, நாமஸ்மரணை செய்து கொண்டு, ஆன்மீக சாதனைகளை மேற்கொள்ளுங்கள்; பின்னர் இறைவனது கருணை வெள்ளம் உங்களை நோக்கி பெருகி ஓட ஆரம்பிக்கும்.