அகத்தூய்மை உங்களது முதல் குறிக்கோளாக இருக்க வேண்டும். உங்களிடம் சிறந்த காய்கறிகள், அருமையான மசாலாப் பொருட்கள் ,உப்பு,உயர்ந்த பருப்பு வகைகள் எல்லாம் இருக்கலாம்; சமையற்காரர் ,சமையற்கலை நிபுணராகவும் இருக்கலாம்.நீங்கள் பயன்படுத்தும் அடுப்பு,கிடைக்கக் கூடிய அடுப்புகளிலேயே தலை சிறந்ததாகவும் இருக்கலாம். ஆனால்,சமைப்பதற்குப் பயன்படுத்தப்படும் தாமிரப் பாத்திரத்தில் ஈயம் பூசப்படவில்லை என்றால்,சாம்பார், சாப்பிட முடியாத,கெடுதல் விளைவிக்கக் கூடிய ஒன்றாக மாறிவிடும். பாத்திரத்தின் உட்புறம் சமையலுக்கு ஏற்றதாக இல்லை என்றால், அதில் தயாரிக்கப் படும் உணவு விஷமாக ஆகிவிடும். அதைப் போலவே,நீங்களும் உங்கள் அகத்தைத் தூய்மைப் படுத்திக் கொள்ள வேண்டும். உணர்ச்சிகள், உந்துதல்கள், சுபாவங்கள் ஆகியவை சமைக்கப் படுகின்ற இதயம் என்ற பாத்திரத்திற்கு (ஹ்ருதயபாத்ரம் ), பிரார்த்தனைகளுடன் கூடிய நற்காரியங்கள் ( ஸத்கர்மா), மற்றும் நற்பழக்கங்கள் ( ஸதாசாரா ), உட்பூச்சாக வேலை செய்கின்றன.சர்க்கஸில் வித்தைகள் காண்பிக்கப் பயிற்சி அளிக்கப் பட்ட காட்டு யானையைப் போல, பிரார்த்தனை ,உங்களது அனைத்து சுபாவங்களையும் நன்கு பழக்கி விடும்.