ஆத்மாவின் ஸ்வரூபமும் ,ஸ்வபாவமும் எப்படிப் பட்டதென்றால், நிலையற்ற எதனாலும் அதற்கு பாதிப்போ,தாக்கமோ ஏற்படுவதில்லை. ஆத்மாவிற்கு பிறப்போ, இறப்போ, பசியோ, தாகமோ துக்கமோ, மாயையோ இல்லை ! பிறப்பு மற்றும் இறப்பு உடலின் தன்மை; துக்கம் மற்றும் மாயை மனதின் வியாதிகள். இவைகளுக்கு எந்த மதிப்பும் கொடுக்காதீர்கள்;நீங்கள் தெய்வீகமான ஆத்மா என்பதைத் தெரிந்து கொள்ளுங்கள். அனைத்து மாயையையும் விட்டொழித்து பற்றற்று இருங்கள். தன்னைத் தொடும் அனைத்தாலும் கரை படியும் நுண் துளைகள் கொண்ட உறிஞ்சும் காகிதத்தைப் ( ப்ளாட்டிங் பேப்பர்) போல இருக்காதீர்கள்.உலக வாழ்க்கை ( ஸம்ஸாரம் ) என்ற சேறு படிந்த ஏரியில் இருக்கும் தாமரை இலை போல இருங்கள்;உங்களைச் சுற்றி உள்ள சேற்றைப் பூசிக் கொள்ளாமல் இருங்கள்.உலகில் இருங்கள்;இருந்தாலும் அதற்கு அப்பாற்பட்டு இருங்கள்.