மனதிற்கும் இறைவனுக்கும் இடையே நட்புணர்வை ஏற்படுத்த ஒருவர் முயற்சி செய்யும் நாளே சிவராத்திரி. சிவராத்திரி ஒரே தெய்வீகம் தான் எங்கும் நீக்கமற நிறைந்துள்ளது மற்றும் அதை எங்கும் காண முடியும் என்ற உண்மையை ஒருவருக்கு உணர்த்துகிறது. சிவன் கைலாஸத்தில் வசிக்கிறான் என்பார்கள். ஆனால் அது எங்கு உள்ளது? கைலாஸம் என்றால் சந்தோஷமும் ஆனந்தமும் என்று அர்த்தம்.இதன் பொருள் ஆனந்தமும், சந்தோஷமும் நிறைந்த நம் மனங்களில் இறைவன் உறைகிறான் என்பதே.இப்படிப் பட்ட ஆனந்தத்தை ஒருவர் எவ்வாறு பெறுவது? எப்போது நாம் தூய்மை,மனத்திண்மை மற்றும் புனிதத்துவத்தை வளர்த்துக் கொள்கிறோமோ, அப்போது அது கிடைக்கிறது. அதன் பின் இதயம் சாந்தி மற்றும் ஆனந்தத்தால் நிரம்பி இறைவனது கோவிலாக ஆகி விடுகிறது. ஒவ்வொரு வருடம் ஒரு நாள் சிவராத்திரி அன்று மட்டும் இறைவனை நினைத்துக் கொண்டிருப்பதால் பயனில்லை. நீங்கள் ஒவ்வொரு நாளும், ஒவ்வொரு இரவும், ஒவ்வொரு கணமும் தெய்வீகத்தை எண்ணி, உங்கள் காலத்தை புனிதமாக்கிக் கொள்ள வேண்டும். நீங்களே உண்மையில் அந்த தெய்வீகமான சிவம். உங்களது உண்மை நிலையான இந்த சிவ தத்துவத்தை புரிந்து கொண்டு, அதை உணர முயற்சி செய்யுங்கள்.