இறைவனிடம் நாம் அடையும் சரணாகதியே நமது அனைத்து செயல்களையும் புனிதப் படுத்துகிறது. அவரே தூண்டுபவர்,நடத்துபவர், தேவையான வலிமையையும், திறமையையும் அளிப்பவர் மற்றும் (செயல்களின்) பலனை அனுபவிப்பவரும் அவரே. எனவே சரணாகதி என்பது இயல்பாகவே உங்களுக்கு வர வேண்டும்,ஏனெனில் அனைத்தும் அவனுடையதே, உங்களது என்று ஒன்றுமே இல்லை!அவனே உங்களது அனைத்து செயல்களையும் தூண்டுபவன் என்ற நம்பிக்கை கொண்டு, அந்த நம்பிக்கையிலிருந்து வலிமை பெறுவது உங்களது கடமையாகும். உடலில் ஏற்படும் காயம் ஆறி, புதுத் தோல் உருவாகும் வரை அந்த இடத்தை கட்டுத் துணி (பாண்டேஜ்) காப்பாற்ற வேண்டும். அதைப் போலவே, உண்மை நிலையை உணரும் வரை,நம்பிக்கை, ஆன்றோரின் சேர்க்கை, தெய்வீக எண்ணங்கள் என்ற களிம்பை, அஹங்காரத்தால் பீடிக்கப்பட்ட மனதிற்குத் தடவ வேண்டும். நல்ல பழக்கங்களை வளர்த்துக் கொள்வது, தெய்வ பக்தி கொண்டோருடன் சேர்வது, நற்கருமங்களை ஆற்றுவது மற்றும் துன்பப் படுவோருக்கு சேவை செய்வது என்ற இந்த அனைத்து படிகளும் தன்னை உணர்தல் என்ற போற்றத்தக்க பாதையில் உங்களை இட்டுச் செல்லும். இந்தக் கட்டுப்பாட்டை இப்போதே ஏற்றுக் கொண்டு, உங்களை துன்பத்திலிருந்தும்,துயரத்திலிருந்தும் காத்துக் கொள்ளுங்கள். இவ்வாறு செய்வதற்கான மன உறுதி கிடைத்து, வெற்றி கிடைக்கும் வரை விடாது நீங்கள் முயல வேண்டும் என்று ஆசீர்வதிக்கிறேன்.