உன்னுடைய சக மனிதர்களுக்கு சேவை ஆற்றுவது, மகேசனுக்கு சேவை ஆற்றுவதை விட மிகவும் தேவையான ஒன்று. உண்மையில் மனிதருக்கு ஆற்றும் சேவை,அந்த மகேசனுக்கே ஆற்றும் சேவைக்கு நிகரானதே.அதுவே உண்மையான பக்தியின் பாதை. அவனது குழந்தைகளை மகிழ்ச்சி அடையச் செய்வதை விட ,அந்த இறைவனை மகிழ்ச்சி அடையச் செய்வதற்கான சிறந்த வழி என்ன இருக்க முடியும்? புருஷ ஸூக்தம் என்ற மறை நூல், இறைவன் ஆயிரம் தலைகள்,கண்கள் மற்றும் பாதங்கள் உடையவன் என்று வர்ணிக்கிறது. அதாவது ஒவ்வொரு ஜீவராசியும் இறைவனே. ஆயிரம் தலைகள் உள்ளவன் இறைவன் என்று கூறப்பட்டிருக்கிறதே அன்றி, ஆயிரம் இதயங்கள் என்று கூறப்படவில்லை; ஒரே ஒரு இதயம் தான். ஒரே இரத்தம் தான் அனைத்து தலைகள், கண்கள்,பாதங்கள் மற்றும் அங்கங்களில் சுற்றி வருகிறது. ஒரு அங்கத்தினைப் பேணுவது, அந்த மனிதரையே பேணுவதே ஆகும். எப்போது நீ ஒரு தனி மனிதருக்கு சேவை ஆற்றுகிறாயோ, இறைவனுக்கே சேவை செய்கிறாய். எப்போது இறைவனைப் போற்றி அவனுக்கு சேவை செய்வது என்பது உனது குறிக்கோளாகிறதோ,ஒவ்வொரு படியும் உனக்கு ஆனந்தத்தின் ஊற்றை அளிக்கும்; மேலும் ஒவ்வொரு கணமும்,ஒவ்வொரு (சேவை செய்யக் கிடைக்கும்) வாய்ப்பும் அந்த இறைவனால் உனக்கு அளிக்கப் பட்ட விலைமதிப்பற்ற பரிசாகும்.