நீங்களே நிசப்தமாக இருங்கள்;அதுவே மற்றவர்களையும் நிசப்தமாக இருக்கத் தூண்டும். கத்துவது, உரக்க அல்லது வெகு நேரம் பேசுவது என்ற பழக்கத்திற்கு அடிமையாகாதீர்கள். உங்களது தொடர்புகளை மிகக் குறைந்த பட்ச அளவிற்குக் குறைத்துக் கொள்ளுங்கள். எங்கிருந்தாலும், உங்க¨ளை ஒரு அமைதியாக சிந்தித்துக் கொண்டு இருக்கும் சூழ்நிலையில் வைத்திருங்கள். சிலர் இடையறாத ஓசைப் புயலில் வாழ்வார்கள்.அவர்கள் எங்கிருந்தாலும்,கண்காட்சி,விடுதிகள், கோவில்கள்,ஏன் பிரசாந்தி நிலயத்தில் இருந்தாலும் கூட அவர்களது அலைபாயும் நாக்கு ஓயாது.இப்படிப் பட்டவர்கள் இறைவனை நாடுகின்ற பாதையில் செல்ல மாட்டார்கள். மேலும் சிலர், பிரச்னைகளையும், வாக்குவாதங்களையும் விரும்புபவர்களாக இருப்பார்கள்; இவர்கள் நிதர்சனமான உண்மைகளால் திருப்தி அடையமாட்டார்கள்; சந்தேகங்களே இல்லாமலே இருக்கும் இடங்களிலும் கூட, சந்தேகங்களை உருவாக்கி,நம்பிக்கையை குலைப்பார்கள். ஸ்ரீராமர் மேன்மையானவரா ,அல்லது ஸ்ரீகிருஷ்ணர் மேன்மையானவரா என்றோ, அல்லது ஸ்ரீகிருஷ்ணர் முழுமையான இறை அவதாரமா என்ற விதண்டாவாதங்களில் இறங்குவார்கள் ! ஆன்மீக சாதகருக்கு இப்படிப் பட்ட எண்ணங்கள் உதவிகரமானதல்ல. வெளித்தோற்றமானவற்றிலிருந்து,சத்தியத்தைப் பிரித்து அறியுங்கள். உள்ளார்ந்த கருவான வாழ்க்கையின் அர்த்த்தையும் குறிக்கோளையும் நாடுங்கள்.