நீங்கள் தூய்மையானவர்கள்,அழிவற்றவர்கள்;வாழ்க்கையின் ஏற்றத் தாழ்வுகளுக்கு அப்பாற்பட்டவர்கள்;நீங்களே உண்மையான, என்றும் நிலைத்து நிற்கும், மாறாத பரம்பிரம்மம். வெறும் ஒரு ஐந்து நிமிட ஆய்வு, நீங்கள் உடலோ,புலன்களோ,மனமோ அல்லது புத்தியோ,உருவமோ,பெயரோ அல்ல,ஆனால் அனைத்திலும் பல்வேறாகத் தோன்றும் அதே ஆத்மா தான் நீங்கள் என்பது உங்களுக்குத் தெளிவாகும். இந்த சத்தியத்தின் ஒரு கண நேரக் காட்சி கிடைத்தவுடன் அதைக் கெட்டியாகப் பற்றிக் கொள்ளுங்கள்; அதை கை நழுவ விட்டு விடாதீர்கள். அதை உங்களது நிலையான சொத்தாக ஆக்கிக் கொள்ளுங்கள். அனைவரையும் அன்பு, மரியாதை மற்றும் அவர்களது நேர்மையில் நம்பிக்கை ஆகியவற்றுடன் நோக்குங்கள். உங்களது வேலைக்காரர்களை கனிவுடன் நடத்துங்கள்.இதயத்தில் வெறுப்பு அல்லது ஏளனத்திற்கு இடம் அளிக்காதீர்கள். நீங்கள் புரிந்த தவறுகளுக்காக வருந்தி, அவற்றை இனி ஒருபோதும் திரும்பச் செய்யமாட்டோம் என முடிவு எடுங்கள்;இந்த முடிகளின் படி நடப்பதற்கான சக்திக்காக இறைவனைப் பிரார்த்தியுங்கள்.மற்றவர்களிடம் குறை காணாதீர்கள். அனைவரிடம் நல்லவிதமாக நடந்து உங்கள் இதயத்தைத் தூய்மைப் படுத்திக் கொள்ளுங்கள்.