ஒரு ஜீவனுக்கு மனிதப் பிறவி என்பது, பல பிறவிகளில் பெறக்கூடிய ஒரு மகுடம் போல அளிக்கப்படுகிறது. இந்த வாழ்க்கை நிலையற்றது என்பதைப் புரிந்து கொள்ளுங்கள்; சாவு எப்போதும் பின் தொடர்ந்து கொண்டே வருகிறது,அது எப்போது ஒருவரை எடுத்துச் சென்று விடும் என்று ஒருவருக்கும் தெரியாது. வாழ்க்கையின் சரியான குறிக்கோளைத் தேர்ந்தெடுத்து அதை அடைவதற்கான சிறந்த வழியை முடிவு செய்வதில் தாமதம் செய்யாதீர்கள். வெளி உலகம் மற்றும் அதன் கவர்ச்சிகளிலிருந்து விலகி,உள்ளார்ந்த ஆத்மாவின் பிரதேசத்தில் செல்லுங்கள். இந்த உள் நோக்குடைய பயணம்,விலை மதிப்பற்ற ஆனந்தம் என்ற பொக்கிஷத்தைப் பரிசாகப் பெற்றுத் தரும். கடல் அதன் கரையில் கிளிஞ்சல்களையும், நுரையையும் தான் பரப்பி வைக்கும். ஆனால் அதன் ஆழத்தில் மூழ்கத் துணிபவருக்கு முத்துக்களும் பவழங்களும் பரிசாகக் கிடைக்கும். இதுதான் உங்களது உண்மையான பணியாகும். இதை நீங்கள் தவற விட்டால், உள்ளார்ந்த ஆனந்த ஊற்றைப் பற்றி அறியாத ஒரு மிருகத்தைப் போல வாழ்ந்து மடிவீர்கள். நீங்கள் இந்த உள்ளார்ந்த ஆனந்த ஊற்றைக் கண்டு பிடித்து விட்டால்,சந்தோஷம், திருப்தி,சாந்தி மற்றும் அன்பு நிறைந்த ஆத்மா ராமர்களாக ஆகி விடுவீர்கள்.