அதிகமாக செல்வத்தைச் சேர்க்கச் சேர்க்க, மேலும் அதிகமாக நீங்கள் கட்டுண்டு, கவலை,கலக்கம் மற்றும் பயத்திற்கு உள்ளாகிறீர்கள். செல்வத்தின் சுமையைத் தாங்குகிறவனுக்கு, மன அமைதி இருக்காது. மக்கள் அறியாமையினால், எங்கே சாந்தி கிடைக்கும் என்று அறியாது,இந்த அசாந்தியை நாடுகிறார்கள். கற்றறிந்தவன் இந்த சாந்தி என்ற நற்பண்பை முதல் தகுதியாகப் பெற்றிருக்க வேண்டும். புகழ்ச்சி அல்லது இகழ்ச்சி, வெற்றி அல்லது தோல்வி ஆகியவற்றால் பாதிக்கப் படாது இருக்க வேண்டும் என்பது இதன் பொருள். அஹங்காரமே ஒருவரை மகிழ்ச்சியோ துயரமோ அடைய வைக்கிறது. எனவே அனைத்து ஜீவ ராசிகளிடமும் அன்பு செலுத்துவதன் மூலம், அஹங்காரத்தைக் கட்டுப் படுத்துங்கள். அன்பற்ற நிலையே அஹங்காரம். அஹங்காரத்தால் பீடிக்கப் பட்டவன், மற்றவர் மகிழ்ச்சியாக இருப்பதைக் கண்டு மகிழ்ச்சி அடைய மாட்டார்கள்; மற்றவர் துயரப்படும் போது, அந்தத் துயரத்தின் வலியையும் உணரமாட்டார்கள். தன்னலமும், அஹங்காரமும் அற்ற மனிதரே மற்றவரது சந்தோஷத்தைப் பகிர்ந்து கொண்டு, பிறரது துயரத்தைத் துடைப்பதற்கு ஆக்க பூர்வமான முயற்சிகளை மேற் கொள்ளுவார்கள். தன்னலமற்ற மனிதரின் பக்கமே இறைவன் இருக்கிறான்; இப்படிப்பட்டவர் அடைய முடியாதது என்று எதுவுமே இல்லை.