உணவு மற்றும் பழக்க வழக்கங்கள் நாடுகளுக்கு இடையே வெவ்வேறாக இருந்தாலும், விளையாட்டுப் போட்டிகளில் காணப்படும் இசைவு,மற்றும் ஒற்றுமை உணர்வு அனைவருக்கும் திருப்தி அளிக்கத்தக்க உதாரணமாக உள்ளது. தங்களுக்குள் உள்ள வித்தியாசங்களை மறந்து,மக்கள் நட்பு மற்றும் தோழமை உணர்வோடு விளையாட்டுப் போட்டிகளில் கலந்து கொள்வது இவற்றின் ஒரு தனிச் சிறப்பு. விளையாட்டுக்கள், வீரர்களது உடல் ஆரோக்கியத்தை மேம்படுத்துவதோடு மட்டுமல்லாது,ஆனந்த அனுபவத்தையும் அளிக்கிறது. ஆனால் ஒருவர் இந்தப் பயன்களைப் பெறுவதோடு மட்டும் திருப்தி அடைந்து விடக் கூடாது. மனித குலத்திற்கு இந்த ஸ்தூல உடலைத் தவிர மற்றொரு சரீரம் உள்ளது. மனம் என்று அழைக்கப்படும் சூக்ஷம சரீரமே அது. மனத்தூய்மையைப் பேணி, பரந்த மனப்பாங்கை வளர்த்துக் கொள்வது இதே அளவு அத்தியாவசியமான ஒன்று. உண்மையான மனிதப் பண்பு உடல்,மனம் மற்றும் ஆத்மா என்ற மூன்றும் ஒன்றிணைந்து வளர்க்கப் படும் போது தான் பரிமளிக்கிறது. விளையாட்டுக்களில் நீங்கள் காட்டும் ஆர்வம் மற்றும் முயற்சிகளை,ஒழுக்கம் மற்றும் ஆன்மீகத் துறைகளிலும் வெளிப்படுத்த வேண்டும்.