தாங்கள் பின்பற்றுவதற்கு சரியான முன்னுதாரணமானவர்கள் வேறு எவரும் இல்லாததால், இன்று பல குழந்தைகள் பாதை தவறி, இழிந்த நிலையில் உள்ளார்கள். துரதிருஷ்ட வசமாக,பெற்றோர்கள்,ஆசிரியர்கள் மற்றும் தலைவர்கள் இளம் உள்ளங்களின் உணர்ச்சிகளைக் கொந்தளிக்கச் செய்து,அவர்களை முறையற்ற செயல்களை ஆற்றுவதற்குத் தூண்டி விடுகிறார்கள். குழந்தைகளுக்கான ' பால விகாஸ்' உடன் கூடவே, பெரியவர்களும் ' விகாஸ் அல்லது முன்னேற்றத்தை' அனுபவித்து, எளிமை,நேர்மை மற்றும் நிலையான ஆன்மீகக் கட்டுப்பாடு நிறைந்த மிகச் சிறந்த வாழ்க்கை வாழ்ந்து காட்ட வேண்டும். குழந்தைகள் சொல்வது ஒன்று, செய்வது அதற்கு நேர்மாறான ஒன்று எனச் செயல்படுவதில்லை. அவர்கள் மிகவும் ஒளிவு மறைவற்றவர்கள் மற்றும் அப்பழுக்கற்றவர்கள். ஒவ்வொருவரும், அவர்களது இந்த இயல்பை தங்களுள் கொண்டு வர வேண்டும், ஏனெனில் பெரியவர்கள் இந்த இலட்சியத்திலிருந்து வெகு தூரம் விலகிச் சென்று விட்டார்கள். நூறு விஷயங்களைச் சொல்வதை விட ஒன்றைச் சரியாகச் செய்வது மேல். தன்னலமற்ற செயல்களை ஆற்றுவதன் மூலம் உங்கள் வாழ்க்கையை புனிதமாக்கிக் கொள்ளுங்கள். அதிகமாகப் பேசும் ஒருவனுக்கு,பணி ஆற்றுவதற்கு நேரம் இருக்காது. வார்த்தைகளில் உங்கள் நேரத்தை வீணாக்குவதற்கு பதில்,உங்கள் நேரத்தை, இறை நாமஸ்மரணை செய்தவாறே, மகேசனின் சேவையான, மனித குலத்தின் சேவையில் பயன்படுத்துங்கள்.