பல நாடுகளிலும் உள்ள,பல தரப்பட்ட சமூகங்களும் ஒன்று பட வேண்டும். மனித குலம் ஒரே குடும்பமாக ஆக வேண்டும். பின்னர் இந்த உலகமே ஒரு ஸ்வர்க்கமாக மாறி விடும். வேற்றுமைகளை வளர விட்டால், தேசங்கள் சிதைந்து விடும். மனிதர்களிடையே உள்ள வேற்றுமைகளை வளர்ப்பவர்கள் மனித இதயங்களில் உள்ள அன்பையும், கருணையையும் அழித்துக் கொண்டிருக்கிறார்கள். அவர்கள் மனித குலத்தையே துண்டு துண்டாக்கிக் கொண்டு இருக்கிறார்கள். இதை விடப் பெரிய பாவம் எதுவுமில்லை. இன்றைய உலகின் தேவை, இடையறாது பரந்து விரிந்து , மேலும் மேலும் மக்களை அரவணைத்தும் செல்லுகின்ற, அனைத்தையும் மறுமலர்ச்சி செய்து, ஒற்றுமைப் படுத்தும் அன்பு எனும் சக்தியே. தனது மதம்,நாடு அல்லது குலம் பற்றிய குறுகிய எண்ணங்களை விடுத்து,பரந்த மனப்பாங்கினை வளர்த்துக் கொண்டு, நல்லவர்களுடன் நட்பைப் பெருக்கிக் கொள்வதன் மூலம், நீங்கள் உங்கள் வாழ்க்கையை உயர் நிலைக்கு எடுத்துச் செல்வதோடு மட்டுமல்லாது, அதை அர்த்தமுள்ளதாகவும், திருப்தி அளிப்பதாகவும் ஆக்க இயலும். நல்ல எண்ணங்களை மனதில் கொண்டு, ஆன்றோர்களின் நல் வாக்குகளை இதயத்தில் ஏற்று,அவற்றை நடைமுறைப் படுத்துவதன் மூலம்,அனைவரிடத்தும் விசாலமான மனப்பாங்கினை வளர்த்துக் கொள்ளுங்கள். உங்களது வாழ்க்கை, பணம் என்ற இரண்டையும் வீணடிக்காதீர்கள். உங்களுக்கு அனைத்து சந்தோஷங்களும் கிடைக்க நான் வாழ்த்துகிறேன்.