உலகிலிருந்தும்,சமுதாயத்திலிருந்தும்,நீங்கள் பயன் அடைகிறீர்கள்;எனவே நீங்கள் ஆற்ற வேண்டிய சில பணிகள் அவர்களுக்கே உரித்தானது. உண்மையைக் கூறப்போனால், இந்த உலகம் மிகப் பெரிய பணிப்பட்டறை போன்றது;ஒவ்வொரு மனிதனும் இந்த நிறுவனத்தின் ஒரு அங்கம். இந்த அங்கத்திற்கு அதனது கட்டமைப்புக்கு ஏற்ற ஒரு பணி கொடுக்கப் பட்டுள்ளது; அதை ஆற்றுவதன் மூலம் அந்த அங்கம் முழுமை பெற வேண்டும்; அந்தப் பணியை இறைவனுக்கு அற்பணம் செய்வதைப் போல ஆற்ற வேண்டும்.இந்த மாபெரும் பணியில் பங்கேற்காத அங்கம் ஒன்று கூட இந்த பிரபஞ்சத்தில் இல்லை. தாவரமோ,பூச்சியோ,கல்லோ, குச்சியோ, காற்றோ,மழையோ,வெப்பமோ,குளிரோ,இவை ஒவ்வொன்றும் தனது பணியைத் திட்டமிட்டபடிச் செய்யவில்லை என்றால் இந்த உலகம் இயங்க இயலாது. சூரியனும்,சந்திரனும் தனது தினசரி பணியை ஆற்றுகின்றன; காற்றும், நெருப்பும் தங்களது கடமைகளை முணுமுணுக்காது செய்கின்றன.இந்த ஒவ்வொன்றும் தவறாமல்,கவனத்துடன் தங்களது கடமைகளைச் செய்தால் தான், (உலகம் என்னும்) சக்கரம் விரைவாகவும், லகுவாகவும் செல்ல முடியும்.