ஒவ்வொருவரும் தானும் சாந்தியுடன் இருந்து.தன்னைச் சுற்றியுள்ள சமுதாயத்துடனும் சாந்தியுடன் இருப்பதை நாடி,அதற்காக முயலுகிறார்கள். மற்றவர்கள் மீது ஆளுமை செலுத்தவும்,சுக, சௌகரியங்களை அளிக்கவும் வல்ல செல்வத்தைக் குவிப்பதின் மூலம் இந்த சாந்தியைப் பெற மக்கள் முயன்றிருக்கிறார்கள். தங்களுடைய விருப்பு மற்றும் குறிக்கோள்களுக்கு ஏற்றவாறு நிகழ்வுகளை மாற்ற வல்ல பதவி மற்றும் அதிகாரங்களைப் பெற சிலர் முயலுகிறார்கள்.துரதிருஷ்ட வசமாக,இந்தப் பாதைகள் பயத்தினால் பீடிக்கப் பட்டவை; இவை மூலம் பெறப்படும் சாந்தி,மிக விரைவாகவும், சில சமயங்களில் கொடூரமான முடிவுகளுடன் மறையக் கூடியவை. உண்மையான சாந்தியை அன்பின் மூலம் தான் பெற முடியும். அதுவே வாழ்க்கை என்ற மரத்தின் பழம் போன்றதாகும். சுவையான சாறை உள்ளே கொண்டுள்ள இந்தப் பழத்தின் தோல் மிகவும் கசப்பானதாகும். இந்தக் கசப்பான தோல்,அன்பு நிறைந்த மனித இதயத்தை மூடி இருக்கும் ஆறு தீய குணங்களான, காமம்,க்ரோதம்,லோபம், மோஹம், மதம், மாத்ஸர்யம் ஆகியவற்றைக் குறிக்கிறது. வெளியில் இருக்கும் இந்த கடினமான தோலை மாறாத கட்டுப்பாட்டுடன் நீக்குபவர்களே உள்ளே இருக்கும் இனிமையான மிகவும் வேண்டப்படும் சாந்தியைப் பெறுகிறார்கள்; இந்த சாந்தி நிலையானது, மாறாதது மற்றும் பேரளவிலானதாகும்.