அனைத்து பற்றுதல்களையும் விடுத்து,ஒவ்வொன்றையும் இறைவனுக்கு அர்ப்பணம் செய்யப்படும் யக்ஞம் போல பணிகளில் ஈடுபடுங்கள். புனித நூல்கள் இறைவனிடமிருந்து தோன்றியவை; கர்மாக்கள், புனித நூல்களிலிருந்து தோன்றின. கர்மாவிலிருந்து வழிபாடுகள்(யக்ஞம்) பிறந்து, மழையாக பலனளிக்கின்றன; மழையிலிருந்து உணவு வளருகிறது; உணவிலிருந்து அனைத்து உயிரினங்களும் தோன்றியுள்ளன. இந்தச் சுழற்சி வட்டத்தை நாம் ஏற்றுக் கொண்டு ,மதித்தே ஆக வேண்டும். பகவான் ஸ்ரீகிருஷ்ணர், '' ஓ அர்ஜூனா! இதை யோசித்துப் பார்.எனக்கு எந்தக் கர்மாவும் செய்ய வேண்டும் என்ற அவசியம் இல்லை; மூவுலகில் எந்த இடத்திலும் இல்லவே இல்லை. நான் எந்தக் கட்டாயத்திற்கும் உட்பட்டவன் அல்ல. இருந்தாலும் நான் எப்போதும் கர்மாவில் ஈடுபட்டுக் கொண்டே இருக்கிறேன். ஆத்மாவின் மீது நிலையான நம்பிக்கை கொள்; பின்னர், பலன்களில் ஆசை கொள்ளாது, அஹங்காரமோ, தனது என்ற உணர்வோ,தற்பெருமையோ இன்றி, அனைத்து செயல்களையும் எனக்கு அர்ப்பணம் செய் '' என்று பறைசாற்றுகிறார். படைப்பின் சக்கரம் லகுவாகச் செல்ல வேண்டும் என்றால், ஒவ்வொருவரும் இடையறாது கர்மாவில் ஈடுபட்டே ஆக வேண்டும். யாராக இருந்தாலும், எவரும் இந்தக் கடமையிலிருந்து தப்ப முடியாது.