காலத்தையும் கொடுத்து, அதை நிரப்புவதற்கான செயல்களையும் அளித்த இறைவனுக்கு நன்றி உள்ளவர்களாக இருங்கள். உங்களுக்கு உணவை அளித்து, அதை சுவைத்து ருசிப்பதற்கான பசியையும் அளித்தவன் அவனே. இதனால், தாறுமாறாக நீங்கள் செயல்களில் ஈடுபடுவதற்கு அனுமதி கிடையாது. நீங்கள் வீடு கட்டும் போது, ஒரு கதவை முன் வாயிலில் வைக்கிறீர்கள். இதன் நோக்கம் என்ன? நீங்கள் வரவேற்பவரை உள்ளே அனுமதிப்பதற்கும், தேவையற்றவரை வெளியிலேயே வைத்து, அவர்கள் விரும்பும் போதெல்லாம் உள்ளே வராமல் தடுப்பதற்கும் தான். அதே போல, மனதில் நுழையும்,உணர்ச்சிகள்,நோக்கங்கள், தூண்டுதல்கள் ஆகியவற்றை தேர்ந்து எடுத்து, இழிவான, தரமற்ற மற்றும் தீங்கு விளைவிப்பவற்றை வெளியிலேயே நிறுத்தி விடுங்கள். அனுபவங்களிலிருந்து கடைந்தெடுக்கப் பட்ட ஞானமான,புனித நூல்களின் மிகச்சிறந்த ஞானத்தை உள்ளே அனுமதியுங்கள். நீங்கள் வெகுகாலம் சொத்து, தகுதி, சம்பளம், குழந்தைகள், உறவினர், புகழ் மற்றும் வாழ்க்கைத் தரம் ஆகியவற்றின் மீது தியானம் செய்து விட்டீர்கள். முடிவற்ற, சத்தியமான, தூய்மையான மற்றும் அசைக்க இயலாத இறைவன் மீது உங்கள் மனக்குவிப்பையும்,ஆர்வத்தையும் நிலை நிறுத்துங்கள்.