மனம் உலகத்தினால் ஈர்க்கப் படும் வரை, ஒருவர் முழு வெற்றி பெற்று விட்டதாகக் கொள்ள முடியாது. எனவே தான் பகவான் ஸ்ரீகிருஷ்ணர் ஸ்ரீமத் பகவத் கீதையில், '' நீங்கள் புலன்களின் மீது ஆளுமையை நிறுவ வேண்டும்; அதன் பின் உங்களுக்கு எந்த பயமும் தேவையில்லை, ஏனைனில் அவை விஷப் பற்கள் பிடுங்கப் பட்ட பாம்புகள் போல ஆகி விடுகின்றன. மனிதனுக்கு மூன்று முக்கிய உபகரணங்கள் உள்ளன; மனம், புத்தி மற்றும் புலன்கள். இந்த மூன்றும் இணைந்து, ஒன்றுக்கொன்று உதவியாகப் பணி ஆற்றும் போதுதான்,'' மோஹத்தில் மூழ்குவதோ ''அல்லது '' மோக்ஷத்தை அடைவதோ'' நடக்கிறது '' என்கிறார். ஸ்ரீகிருஷ்ணர், '' எப்போது எது, எதனுடன் பணி ஆற்றும்போது'' என்ன நடக்கும் என்ற குழப்பம் அர்ஜூனனுக்கு வரும் என்பதை, முன் கூட்டியே எதிர்பார்த்து விட்டார். எனவே, அவரே அதற்கு விடை அளிக்கிறார். அவர்,'' எப்போது மனம் ,புலன்களுடன் ஒத்துழைக்கிறதோ,நீங்கள் ஸம்ஸாரம் (உலக வாழ்க்கை) என்னும் மோஹத்தில் நுழைகிறீர்கள்; எப்போது, மனம், புத்திக்கு அடி பணிகிறதோ,நீங்கள் இறைவனைப் பற்றிய ஞானத்தைப் பெறுகிறீர்கள். ஒரு வழி உலக ஆசைகளுக்கு இட்டுச் செல்கிறது, மற்றது தெய்வீகத்திடம் கொண்டு செல்கிறது. புத்தி முடிவு எடுக்க வேண்டும். மனம் அப்படி எடுக்கப் பட்ட முடிவை செயல் படுத்த வேண்டும். அதுவே சரியான முறை'' என்கிறார்.