இறைவன் உங்களிலிருந்து வேறானவன் இல்லை. நீங்களே இறைவன். இந்த உறுதியான நம்பிக்கை உங்களுள் வளர வேண்டும். ஆரம்பத்தில் நீங்கள் உங்களை வெறும் மனிதராகக் கருதுகிறீர்கள். பின்னர், படிப்படியாக உங்களது தெய்வீக சக்தியை உணருகிறீர்கள்.இறுதியில், உங்களுள் உறையும் தெய்வீகத்தை உணருகிறீர்கள். இறைவனுடன் ஸங்கமம் ஆகும் இந்தப் பயணத்தை இப்போதே துவங்குங்கள். காலம் எவருக்காகவும் காத்திருப்பதில்லை.உங்களது முயற்சிகள் அனைத்தையும் இறைவனை உணருவதில் ஒரு முகப் படுத்துங்கள். இதற்கு முதல் தேவை அஹங்காரத்தை அழிப்பதே; அதைச் செய்யாமல் தெய்வீகப் பேரானந்தத்தை அனுபவிக்க இயலாது. ஆடம்பரமான வழிபாடு,செல்வம்,அதிகாரம், மற்றும் பதவி ஆன்மீகத் தேடலில் உங்களுக்கு உதவி செய்யாது. அவை உங்களுக்கு சாந்தி அளிக்கவோ,மனிதனை எப்போதும் வாட்டும் பயத்தைப் போக்கவோ முடியாது.தெய்வ நம்பிக்கை உள்ள மனிதனே பயத்திலிருந்து முழுமையாக விடுபட முடியும். எனவே, இறைவன் மீது நம்பிக்கையை வளர்த்துக் கொண்டு, இறைவனைக் குறித்த வாழ்க்கையை நடத்துங்கள். தனது குறைகளை உணர்ந்தவர் உண்மையிலேயே ஆசீர்வதிக்கப் பட்டவர். மற்றவர்களிடம் நல்ல குணங்களையே காண்பவரும் இதே போன்று ஆசீர்வதிக்கப் பட்டவரே.