அன்பின் வடிவங்களே ! இந்த உலகில் காலத்தை விட விலைமதிப்புள்ளது எதுவும் இல்லை; அதன் ஒரு நிமிடத்தைக் கூட வீணடிக்காதீர்கள். மனிதர்கள் இன்று தன்னலமற்ற சேவையில் காலத்தைப் பயன்படுத்தாமல், சுயநலமான செயல்களில் அதை வீணடிக்க முற்படுகிறார்கள். மற்றவர்களிடமிருந்து உதவி பெற விழைகிறார்களே அன்றி பிறருக்கு உதவ விரும்புவதில்லை.இரண்டு விதமான மனிதர்கள் இருக்கிறார்கள்; தரமற்றவர்கள் மற்றும் பண்பட்டவர்கள். பிறரிடமிருந்து வேண்டி பொருட்களைப் பெற்றுக் கொண்டு, அவற்றைத் திருப்பித் தராமல் இருப்பதோடு மட்டுமின்றி, அவர்களுக்கு உதவியவர்களுக்கு தீங்கிழைக்க முயல்வோரே தரமற்றவர்களாவர். பிறருக்கு உதவுவதையே தங்களது இயல்பாகக் கொண்டவரே பண்பட்டவர்கள். எப்படிப் பட்ட துன்பங்கள் மற்றும் இடையூறுகள் வந்தாலும் இவர்கள் ஒரு வாக்கு அளித்து விட்டால், அதைக் காப்பாற்றுவார்கள். நற்செயல்கள் மற்றும் தியாகத்தினால் அன்பைப் பேணி வளர்த்து,தீய குணங்களை விட்டொழித்து, போற்றத்தக்க வாழ்க்கையை நடத்துங்கள்.