நீங்கள் முதலில் ஆசையை வென்றாக வேண்டும். இதற்காக போராடுவதோ, இனிமையான வார்த்தைகளால் ஆசையை மறைந்து விட இணையச் செய்வதோ அவசியமில்லை. ஒன்றின் பயத்தினாலோ, அல்லது மற்றொன்றின் சலுகைக்காகவோ அது மறைந்து விடாது. ஆசைகள் பொருட்களைச் சார்ந்தவை; அவை ''காணப் படுபவை'' என்ற வகையைச் சார்ந்தவை. '' காண்பவன் நானே, காணப்படுபவன் அல்ல'' என்ற திட நம்பிக்கையோடு உங்களை பற்றுதல்களிலிருந்து விடுவித்துக் கொண்டு, ஆசையை வெல்ல வேண்டும். மனது இயங்குவதை, நீங்கள் அதன் வெளிப்புறத்திலிருந்து நோக்க வேண்டும்; மனதிற்குள் நீங்கள் சிக்கி விடக் கூடாது. இந்தக் கட்டுப்பாட்டின் பொருள் அதுதான். மனம் என்பது சக்தி வாய்ந்த மின்சாரத்தைப் போன்றது.அதை தூரத்திலிருந்துதான் காண வேண்டுமே அன்றி, அதைத் தொடவே, அதனுடன் தொடர்வு கொள்ளவோ கூடாது.அதைத் தொட்டீர்களானால், நீங்கள் சாம்பலாகி விடுவீர்கள். அதைப் போன்றே, தொடர்புகளும், பற்றுதலும் மனதிற்கு உங்களை நாசப்படுவதற்கான ஒரு வாய்ப்பை அளிக்கின்றன. எவ்வளவு தூரம் அதிலிருந்து நீங்கள் விலகி இருக்கிறீர்களோ அவ்வளவு நல்லது. திறமையான வழிகளில் உங்களது நலன் கருதி, அதைத் தேர்ந்த முறையில் பயன்படுத்த வேண்டும்.