மனிதர்கள் தங்களது செயல்களின் பலன்களில் நாட்டம் கொண்டு அவற்றைப் புரிகிறார்கள்; ஒருவேளை அந்த செயல் எதிர்பார்த்த பலன்களைத் தராவிட்டால், அவற்றை அதற்குப் பிறகு செய்ய மாட்டார்கள். லாபம், ஆதாயம்,பரிசு,பலன்-மனிதன் இவைகளை மட்டுமே நாடுகிறான். ஆனால் இந்த விதி,பகவானுடைய நல்லுரை என்னும் அமிர்தத்தைப் பருகுவதற்காக ஸ்ரீமத் பகவத் கீதையை கையில் ஏந்தி இருப்பவர்களுக்குப் பொருந்தாது. அனைவருமே அமிர்தத்தை வேண்டுவதில்லை; ஒருவேளை நீங்கள் அப்படிச் செய்தால், நிலையான ஆனந்தத்தையும், விமோசனத்தையும் நாடுபவர்கள் என்பது தெளிவாகிறது. பின்னர் நீங்கள் பலன்களை நாடும் ஆசையை விட்டு விட வேண்டும் என்ற விலையைக் கொடுத்து , அனைத்தையையும் இறைவனது பாதங்களில் அர்ப்பணம் செய்தாக வேண்டும். பாவம் , அநீதி, மற்றும் தீய பழக்கங்களைத் தவிர்த்து விடுங்கள். முதியோர்களை அவமதிக்காதீர்கள், நல்லொழுக்கமுடையோரை கைவிடாதீர்கள், நல்லவர்களது சுய மரியாதையை புண்படுத்தாதீர்கள்.இந்த உலகில் சாந்தியையும்,சௌக்கியத்தையும் நிலை நாட்டும் பணியில் உங்களை அர்ப்பணித்துக் கொண்டு, நீங்கள் போராட வேண்டி இருந்தாலும்,நீதி கட்டாயம் வெல்லும் என்பதை உணர்ந்திருங்கள்.