உங்களது மதிப்பு ,நீங்கள் எத்தனை கோவில்களுக்குச் சென்றீர்கள் அல்லது அங்கு நீங்கள் அளித்த காணிக்கையின் அளவு மற்றும் விலை மதிப்பால் அளக்கப் படுவதில்லை. இறை நாமஸ்மரணையில் நீங்கள் எவ்வளவு நேரம் செலவழித்தீர்கள் என்ற கணக்கிட்டு பேருவகை கொள்ளாதீர்கள்;மாறாக எவ்வளவு நேரம் இறைவனை விட்டு விலகி இருந்தீர்கள் என்பதை எண்ணி வருந்துங்கள்.இராமாயண இதிகாசத்தில் சீதா மாதா எப்படி இலங்கையின் அரக்கிகளின் அதட்டல்கள், கேலிச் சொற்கள், மற்றும் கொடுமைகளை எதிர் கொண்டார் ?அவருக்கு மனத்திண்மை அளித்தது எது? அது இறை நாமஸ்மரணையே அன்றி வேறில்லை. காமம், கோபம், லோபம் மற்றும் பொறாமை எப்போதும் தெய்வீகத்துடன் சேர்ந்து இருக்க முடியாது. மிகவும் சுவையான உணவு பதார்த்தம், ஒரு சொட்டு மண்ணெண்ணய் அதில் விழுந்து விட்டால், சாப்பிட முடியாததாக ஆகி விடுகிறது.பல காலங்கள் பொறுமையுடன் கட்டிக் காத்த ஆன்மீகக் கட்டுப்பாடு, ஒரு தீய எண்ணம் அல்லது செயலால் கெட்டு விடும். உங்கள் எண்ணங்களில் எப்பொழுதும் இறை நாமத்தை வைத்திருந்தால் எந்த பேராபத்தையும் எதிர் கொள்ளலாம்.