வெற்றி,தோல்வி,நல்லவை,கெட்டவை என்ற எல்லா நிலையிலும்,ஒருவர் நிலையான மனதுடன் பணியில் ஈடுபட்டு இருக்க வேண்டும்.புத்தியை தூய்மைப் படுத்தி, பயிற்றுவிக்காவிடில்,செயல்களின் பலன்கள் மீது பற்று வைப்பதை விடுத்து,பணிகளை கடமையாகவும் ,அர்ப்பண உணர்வுடனும் ஆற்றிக் கொண்டே இருப்பது இயலாத ஒன்றே. இப்படிப் பட்ட மனப் பாங்கை வளர்த்துக் கொண்டு, அதன் மூலம் கர்மாவின் பந்தத்திலிருந்து விடுதலை பெறுங்கள். கர்மாவின் பலன்களின் மீது பற்றுதலைத் துறக்கும் கடினமான கட்டுப்பாட்டைப் பயிலுவதை விட, அந்த கர்மாவே செய்யாமல் இருக்கிறேனே என்று நீங்கள் கூறலாம்; அது இயலாத ஒன்று ! கர்மா தவிர்க்க இயலாத ஒன்று. ஒரு நொடி கூட ஒருவர் தன்னை கர்மாவிலிருந்து விடுவித்துக் கொள்ள முடியாது. ஒவ்வொரு காரியத்திற்கும் முதலும், முடிவும் உண்டு; ஆனால் பற்றற்ற கர்மாவிற்கு ( நிஷ்காம்ய கர்மா) அப்படி அல்ல. அதுவே இரண்டிற்கும் உள்ள வித்தியாசம். எப்போது கர்மா, அதனிலிருந்து வரும் பலன்களை அடைவதன் நோக்கத்தோடு ஆற்றப் படுகிறதோ, ஒருவர் இழப்பு, துன்பம் ஏன் தண்டனை கூட அனுபவிக்க வேண்டி இருக்கும். ஆனால் நிஷ்காம்ய கர்மா உங்களை இவை அனைத்திலிருந்தும் விடுவிக்கிறது.