வாழ்க்கை என்னும் கடலில் ஆற்பரிக்கும் அலைகளால் ஏற்படும் ஏற்ற,இறக்கங்களால் சிறிதும் குழப்பமடையாத, நிலை குலையாத மனிதனே உண்மையான வீரன். இப்படிப் பட்டவர் தனது சமநிலையை ஒரு போதும் இழப்பதில்லை; அது அவரது இயல்பாகவே ஆகி விடுகிறது! எப்படிப்பட்ட கவர்ச்சிகள், கவனச் சிதறல்கள் இருந்தாலும், தனது ஆன்மீகக் கட்டுப்பாட்டு அட்டவணையைக் கடைப் பிடிப்பவரே அறிவுள்ள மனிதர்; அவரே'' தீரன் '' எனப்படுகிறார். '' தீ '' என்றால் புத்தி; இதுவே உண்மையான மனித குணம். அணியும் ஆடையோ,மீசையோ ''வீரனை'' க் குறிப்பதில்லை. உண்மையான மனிதப் பண்பு சுகம் ,துக்கம் என்ற இரட்டை நிலையை நிராகரிக்கும் போதுதான் மலருகிறது; மேலும் உங்களது முயற்சிகள் எல்லாம் இந்த இரண்டையும் வெல்வதில் தான் இருக்க வேண்டும். உங்களது வெற்றி உள்ளார்ந்த எதிரிகளின் மீது இருக்க வேண்டுமே அன்றி வெளியில் உள்ளவர் மீதல்ல. பின் நீங்கள் பெறும் லாபமே அமரத்துவம் !உலகிலுள்ள பொருட்கள் உங்களுக்கு இந்த பேரானந்த நிலையை அளிக்க முடியாது. எப்போது ,நீங்கள் உண்மையாகவும் ,சீராகவும் சுக-துக்க நிலையிலிருந்து விடுபட்டு உயருகிறீர்களோ,அப்போது நீங்கள் பெறும் பேரானந்தம் முழுமையானதும், சுயாதீனமானதும்,நிறைவானதும் ஆகும்.