புலன்களின் மீது உள்ள பற்றை விலக்குங்கள். அதன் பின் தான் ஆத்மா பிரகாசிக்கும். மனதை தற்போதைய நண்பனான புலன்களிலிருந்து விலக்கி அதை அதனது எஜமானனான புத்திக்கு விசுவாசமானவராக ஆக்குங்கள். எளிதாகக் கூற வேண்டும் என்றால்,தானியத்தை வைக்கோலிலிருந்து பிரிப்பதைப் போல, விவேகத்தைப் பகுத்தறிய பயன்படுத்துங்கள். ஒரு விளக்கை ஏற்றி, அறையில் எல்லா ஜன்னல்களையும் திறந்து வைத்திருந்தீர்களானால், காற்று அதை அணைத்து விடும். அந்த தீபம் சரியாக எரிந்து கொண்டிருக்க வேண்டும் என்றால், ஜன்னல்களை மூட வேண்டும். புலன்களே ஜன்னல்கள்,தீபம் என்பது இறைவனை உணர வேண்டும் என்ற ஒரே முனைப்போடு இருக்கும் மனம். வெளி நோக்குடைய புலன்ளுக்கு இந்த இனிமையைப் பற்றி என்ன தெரியும்? தாமரை மலரைச் சுற்றிக் குதித்துக் கொண்டிருக்கும் தவளைகளுக்கு அந்த மலரில் உள்ள தேனைப் பற்றித் தெரியாது. புத்தி மட்டுமே இந்த ஆனந்தத்தை உங்களுக்கு உணர்த்த இயலும். பகட்டான ஆனால் செல்லரிக்கும் பொருட்களை விடுத்து,உங்களது விருப்பங்களை நிலையான மற்றும் செருவூட்டும் பொருட்களின் மீது செலுத்துங்கள்.