சாதாரணமாக மனிதர்கள்,சந்தோஷம் மற்றும் மகிழ்ச்சியையே நாடுகிறார்கள்; எந்த சமயத்திலும் துக்கத்தையோ ,துயரத்தையோ தேடுவதில்லை! அவர்கள் சந்தோஷம் மற்றும் மகிழ்ச்சியை தங்களது நலன் விரும்புவர்களாகவும், துக்கம் மற்றும் துயரத்தை தங்களது பெரிய எதிரிகளாகவும் கருதுகிறார்கள். இது மிகப் பெரிய தவறு. நீங்கள் சந்தோஷமாக இருக்கும் போது,துக்கம் வருவதற்கான அபாயம் மிக அதிகம்; சந்தோஷத்தை இழந்து விடுவோமோ என்ற அச்சம் உங்களை வாட்டும். துயரம் உங்களை ஆராய்தல், பகுத்தறிதல்,சுய ஆய்வு மற்றும் இதை விட மோசமான விளைவுகள் வரக்கூடுவதற்கு பயம் ஆகியவற்றிற்குத் தூண்டும். அது உங்களை இறுமாப்பு மற்றும் சோம்பேரித்தனத்திலிருந்து தட்டி எழுப்பும். வாழ்வின் இரட்டை நிலைகளை,மன வலி¨யுடன் ( திதிக்ஷா ) எதிர் கொள்ளுங்கள். ஆனால் , கவனம் இருக்கட்டும், மனவலிமை ( திதிக்ஷா ) என்பது, பொறுமையிலிருந்து ( ஸஹானா ) வேறுபட்டது . பொறுமை என்றால்,வந்த நிலைமையை, வேறு வழி இல்லாததால் பொறுத்துக் கொள்வது மற்றும் சகித்துக் கொள்வதாகும். ஆனால் மனவலிமை ( திதிக்ஷா ) என்பது அந்த நிலையை ,உதாசீனப் படுத்தி, எதிர் கொண்டு வெல்வதற்கான திறன் அதாவது ஆன்மீகக் கட்டுப்பாடாகும். வெளி உலகின் இரட்டை நிலையை, உள்ளார்ந்த சமச்சீரான மனப்பாங்கு மற்றும் அமைதியுடன் சகித்துக் கொள்ளும் பாதை, உங்களை பந்தங்களிலிருந்து விடுவிக்கும். பகுத்தாராய்தலோடு அனைத்தையும் தாங்கிக் கொள்ளுங்கள்; இப்படிப் பட்ட பொறுமை , நல்ல விளைவுகளை நல்கும்.