உடல் மீது வைக்கும் பற்றுதலே பல விதமான துன்பங்களை, இவற்றின் உடனடியான வழிகாட்டிகளான விருப்பு ,வெறுப்பு ஆகியவற்றையும் சேர்த்து உருவாக்குகிறது. இந்த இரண்டும், புத்தி சில நிலைகள் மற்றும் சிலவற்றை பலன் தருபவையாகவும் மற்றவற்றை அவ்வாறு இல்லாததாகவும் கருதுவதன் விளைவே ஆகும்; இது வெறும் மாயையே. இந்த அறிவு இருந்தும் கூட, சில சமயங்களில், நீங்கள் நமக்கு சாதகமானவை எனக் கருதி சிலவற்றின் மீது பற்று வைத்து, மற்றவற்றை வெறுக்கத் தொடங்குகிறீர்கள். மிக உயர்ந்த நிலையிலிருந்து நோக்கினால்,அவை இரண்டுமே இல்லாதவை;இந்த பாகுபாடுகள் அர்த்தமற்றவை. இரண்டாவது என்று ஒன்றே இல்லாதபோது, பின் நல்லவை, கெட்டவை என்று எப்படி இருக்க முடியும்? ஒன்றே ஒன்று இருக்கும் போது, அதை இரண்டாகக் காண்பது மாயையே. அடிப்படையான அறியாமை, இந்த உடலே நீங்கள் என்று நம்பிக்கை தான்; அதுவே அனைத்துத் துயரங்களுக்கும் காரணம். உடல் உணர்வை விடுத்து,தெய்வீக உணர்வில் வாழப் பழகிக் கொண்டு,துயரங்களிலிருந்து விடுபட்டு மகிழ்ச்சியான வாழ்க்கை நடத்துங்கள்.