நிலவின் முகத்தை மறைக்கும் மேகங்களை காற்று வீசிக் கலைத்த பின் ,நிலவு குளுமையுடன் தெளிவாகப் பிரகாசிக்கிறது; அதே போல,அஹங்காரம் என்ற மேகங்கள் கலைக்கப் பட்டால்,மனிதனது மனம் தனது இயற்கையான ஒளியுடன் முழுமையாகவும், தூய்மையாகவும் பிரகாசிக்கும். துயரங்கள் அனைத்தும் மறைந்து விட்ட பேரானந்த நிலை இதுவே. தீபம் இருக்குமிடத்தில் இருள் இருக்க முடியாது. ஞானம் என்ற தீபம் ஒருமுறை ஏற்றப் பட்டு விட்டால் அது அணைவதில்லை,ஒளி மங்குவதில்லை, ஊசலாடுவதுமில்லை. தங்களது புலன்களைக் கொண்டு, உலகியலான பொருட்களிலிருந்து மனிதர்கள் தேடும் ஆனந்தமும் சாந்தியும் ஊசலாடி, விரைவில் மங்கி மறைந்து விடும். அவை கணப் பொழுதே ஒருவரின் அறிவற்ற ஆசைகளைத் தணிக்கின்றன. அவை காமம்,கோபம்,வெறுப்பு மற்றும் பொறாமையால் பெறப்படுவதால் அவை பொய்யானவை,நிலையற்றவை. இவற்றைக் கட்டுப் படுத்தி வெற்றி கொள்ளுங்கள்; அப்போது தான் நீங்கள் உண்மையான சாந்தியையும், ஆனந்தத்தையும் பெற முடியும். இவை மங்குவதுமில்லை,ஊசலாடுவதும் இல்லை. நீங்கள் இவற்றைப் பெறுவது மட்டுமல்ல, உண்மையில் நீங்கள் அவைகளாகவே ஆகிவிடுகிறீர்கள்.