நாம் இன்று உலகில்,முறையின்மை,வன்முறை மற்றும் போராட்டங்களைக் காண்கிறோம். இந்த நோய்களைக் குணப்படுத்துவதற்கு, ஒருவர் சுயநலம்,பேராசை மற்றும் பிற தீய குணங்களைக் களைந்து, மிருக குணங்களிலிருந்து மேலெழுந்து வர வேண்டும்.தன்னலம் கருதாது இருப்பதன் மூலம் தான் தூய்மை அடைய இயலும். இந்த இதயத் தூய்மை, ஒற்றுமை உணர்வை உருவாக்கி, தெய்வீக நிலைக்கு இட்டுச் செல்லும். மனித வாழ்க்கை என்ற மாளிகை,தன்னலமின்மை,தூய்மை,ஒற்றுமை மற்றும் தெய்வீகம் என்ற தூண்களின் மீது கட்டப் பட வேண்டும்.பெண்கள் இந்த நான்கு தூண்களின் வளர்ச்சியில் முக்கியப் பங்கு வகிக்கிறார்கள்.வாய்மை,தியாகம் மற்றும் சாந்தி ஆகிய குணங்கள் பெண்களிடம் மேலோங்கியுள்ளன. ஒரு நல்ல மனைவி அவளது கணவனுக்குத் தான் மதிப்பானவள்,ஆனால் ஒரு நல்ல தாய் ஒரு நாட்டிற்கே சொத்து போன்றவள். கடமைப் பற்றுள்ள தாய்மார்கள் தான் நாட்டின் நல்ல எதிர்காலத்திற்காக உழைக்கும் குழந்தைகளை அளிக்க முடியும். இன்றைய முக்கியத் தேவை, தங்களது குழந்தைகள் மற்றும் சமூகத்தின், தூய்மை மற்றும்,ஆன்மீக முன்னேற்றத்தில் கவனம் கொண்ட விசால மனம் படைத்த நல்ல தாய்மார்களே.