சொத்து சுகங்கள் குறுகிய காலமே இருப்பவை;பதவி அதிகாரங்கள் தற்காலிகமானவை; உயிர் மூச்சு காற்றில் அணையும் தீபத்தைப் போன்றது. இளமை என்பது மூன்று நாள் விழா மற்றும் சுக,அதிர்ஷ்டங்கள் என்பவை துக்க மூட்டைகளே. இதைப் புரிந்து கொண்டு,உங்களது குறுகிய கால வாழ்க்கையை இறைப் பணிக்கு அற்பணம் செய்வீர்களானால், நீங்கள் உண்மையிலேயே போற்றத் தகுந்தவர்கள். இளமைக் காலத்திலேயே இறைவனடியில் சரணம் அடையுங்கள். அனைத்தும் உண்மையற்ற, நிலையற்ற, காற்றில் கட்டப் பட்ட கோட்டைகளைப் போன்றவை.இந்த உண்மையைச் சிந்தித்து இறைவனை நாடி அவனைப் போற்றுங்கள்; அது மட்டுமே நிலையான மகிழ்ச்சியை அளிக்கும். இந்த உடல் என்ற அறையில், இதயம் என்ற காப்புப் பெட்டகத்தில்,விலை மதிப்பற்ற இரத்தினமான ஞானம் உள்ளது. நான்கு தந்திரமான காமம், க்ரோதம், லோபம் மற்றும் பொறாமை என்ற திருடர்கள் அதைக் கொள்ளை அடிக்கக் காத்துக் கொண்டிருக்கிறார்கள். இந்தப் பிரபஞ்சத்திற்கே நாயகனான இறைவனது துணையினால் இதனைப் பலப்படுத்தி இந்த இரத்தினத்தைப் பத்திரப் படுத்திக் கொள்ளுங்கள். அது உங்களை அன்பு மற்றும் அமைதி நிறைந்தவர்களாக ஆக்கி விடும்.