ஸ்ரீமத் பகவத் கீதை அளிக்கப் பட்ட இடத்தையும் ,சூழ்நிலையையும் கவனியுங்கள்; அதில் தான் இந்த சொற்பொழிவின் முக்கியத்துவம் உள்ளது. ஒரு பக்கம் தர்மத்தின் அணி, மற்றொரு பக்கம் அதர்மத்தின் அணி; இரண்டிற்கும் இடையில் சிக்கிக் கொண்டு, எந்த வழியை ஏற்பது என்று முடிவு எடுக்க முடியாமல் அர்ஜூனன் நம்பிக்கை இழந்து புலம்புகிறான். இந்தக் குழப்பம் அவனுடையது மட்டுமல்ல; இது உலகளவிலான மனிதனின் பிரச்சனையே. அர்ஜூனன் ஸ்ரீ கிருஷ்ணரிடமிருந்து இனிமையான உலகில் புகழ் அளிக்கும் அதிகாரம், அந்தஸ்து, செல்வம் ஆகியவற்றை வேண்டவில்லை(ப்ரேயஸ்); நிலையான முழு ஆனந்தத்தை நாடினான்(ஸ்ரேயஸ்). அர்ஜுனன்,ஸ்ரீகிருஷ்ணரிடம்,'' ப்ரேயஸை கர்மாவின் மூலம் அடைய முடியும். என்னுடைய முயற்சியாலேயே அடையக்கூடிய இதை நான் ஏன் உங்களிடம் நாட வேண்டும் ? கர்மாவின் பலனால் அல்லாது, உந்தன் கருணையின் பலனால் கிடைக்கும் ஸ்ரேயஸைத் தருவாயாக '' என வேண்டினான். எனவே தான் அர்ஜுனனைனப் போல பரிபூரண சரணாகதி நிலைக்கு உயர்ந்த அனைவருக்காகவும் பகவான் ஸ்ரீமத் பகவத் கீதையை அளித்துள்ளார்.