படித்தவர் உட்பட, பலர் இந்த உலகில் தங்களுக்குக் கொடுக்கப் பட்டுள்ள வாழ்க்கைக் காலத்தை தேர்ந்து எடுத்த உயர் குறிக்கோள்களை அடைவதற்காகக் கழிப்பதில்லை. எனவே அவர்களது உலக வாழ்க்கை நங்கூரம், திசை காட்டி என்ற இரண்டையும் இழந்து ,நடுக்கடலில் புயலில் தடுமாறித் தவிக்கும் கப்பலைப் போல உள்ளது. ஒன்றுக்கொன்று முரணான உயர்குறிக்கோள் மற்றும் உலக லக்ஷியங்களுக்கு இடையில் மாட்டிக் கொண்டு தவித்து, தங்களது அறியாமை மற்றும் பயத்தினால், சொல்வது ஒன்றாகவும் , செய்வது மற்றொன்றாகவும் இருக்கிறார்கள். தியானம் இப்படிப் பட்டவர்களுக்கு, நிலையான குறிக்கோள், தைரியம் மற்றும் ஞானத்தை அளிக்கும். அது அலைபாயும் மனதை நிலை நிறுத்தி, தெளிவடையச் செய்து, மகிழ்ச்சியால் நிரப்புகிறது. தியானம் என்னும் பாதை அறியாமையை அழித்து,தனி மனிதன் இறைவனுடன் இணைவதைத் தருகிறது.