எல்லா ஜீவ ராசிகளிலும் இறைவனைக் காணுங்கள்; அவன் இருக்கிறான் என்று வாழ்வின் ஒவ்வொரு கணமும் உணர்ந்து , அந்த உணர்வினால் ஏற்படும் ஆனந்தத்தில் திளைத்திருங்கள். அவனுடன் கொண்ட ஆழ்ந்த பக்தியால் பிறக்கும் உறவில் கலந்து, உங்களது ஆசை மற்றும் ஸங்கல்பங்களை அவனிடம் சமர்ப்பணம் செய்து விடுங்கள்; உங்கள் மனோபாவம், செயல், மற்றும் அதன் பலன்களைக் கூட முதலிலிருந்து கடைசி வரை அவனுக்கே அர்ப்பணம் செய்து விடுங்கள். அதாவது அனைத்து செயல்களையும் துறவு மனப்பாங்குடன் இறை வழிபாடாக ஆற்றுங்கள். இதைத்தான் இறைவன் ஒவ்வொரு பக்தனிடமிருந்தும் எதிர் பார்க்கிறான். இப்படிப்பட்ட பரிபூரண சரணாகதி என்பது எளிதானதல்ல தான். ஆனால் நீங்கள் இதை நோக்கி, சிறு முயற்சி எடுத்தாலும், இதை இறுதி வரை தொடர்வதற்கான தைரியத்தை இறைவன் அளித்து விடுவான். ஒரு நண்பன் மற்றும் வழிகாட்டி போல உங்களுக்கு உதவி, உங்களுடனேயே நடந்து வருவான்; தீமை மற்றும் கவர்ச்சிகளிலிருந்து காத்தருள்வான்; உங்களது ஊன்றுகோலாக உறுதுணை புரிவான்.