மோக்ஷம் அல்லது தன்னை உணர்தல் என்ற வாசல்களில் மூன்று காவலர்கள் உங்களது தகுதியை சோதிப்பதற்காக நிறுத்தப் பட்டு இருக்கிறார்கள். அவர்களே சாந்தி( சமச்சீரான மனநிலை), சந்தோஷம்( திருப்தி) மற்றும் பகுத்தறிவு( விசாரா). இதில் ஒருவரோடாவது நீங்கள் நண்பர்களாகி விட்டால்,மற்ற இருவரும் கூட நீங்கள் உள்ளே நுழைவதற்கு உதவுவார்கள். இந்த வரிசையில் முதலாவது சாந்தி ( அமைதி). சாந்தியை உங்களுடையவர்களாக ஆக்கிக் கொண்டு விட்டால், திருப்தி என்ற சந்தோஷம் தானாகவே உங்களுடையதாகி விடும்! திருப்தி என்பது தான் உண்மையான ஆனந்தத்தின் உறைவிடம் மற்றும் அதுவே நமது சொத்துக்களில் எல்லாம் மிகவும் மதிப்பு வாய்ந்தது. திருப்தி இல்லாவிடில், ஆசை மற்றும் பேராசைகள் பயங்கரமான அளவிற்கு வளர்ந்து,பகுத்தறிவின் சக்தியையே வென்று விடும். ஆசைகள் எளிதாக பேராசையாக உருவாகி, அவை பின்னர் கஞ்சத்தனம் மற்றும் காம வெறி என்ற கீழ் தரமான நிலையை அடைந்து விடும். இவை உங்களை நிலையற்ற புலனின்பங்களுக்காக, ஒரு பொருளிலிருந்து மற்றொன்றிக்கு பேயாக அலைய வைத்து விடும். பொருட்கள் மற்றும் புலனின்பங்கள் என்ற வெள்ளத்தில் இழுக்கப் பட்டு விடாமல் இறைவனை நோக்கிச் செல்ல உங்கள் மனதிற்கு அறிவுறுத்துங்கள். மற்ற எல்லா ஆசைகளையும் விடுத்து, எப்போதும் திருப்தியுடன் அவனது நாமரூபத்தில் திளைத்திருங்கள்.