தங்களது இறுமாப்பு மற்றும் அஹங்காரத்தை விட்டொழிப்பது மனிதருக்கு மிகவும் கடினமான ஒன்று, ஏனென்றால், நீண்ட காலமாக அவர்கள் அவ்வாறே வாழ்ந்து கொண்டிருக்கின்றனர்! கடந்த பல ஆண்டுகளாக ஒவ்வொருவரும் தங்களது மனதை அதற்குப் பிடித்த வழிகளில் ஓட விட்டுக் கொண்டிருக்கிறார்கள். எனவே, அதை தனக்குப் பழக்கப்பட்ட பாதையிலிருந்து திரும்பி, மற்றொரு திசையில் அடி எடுத்து வைக்கச் செய்வது மிகவும் கடினமே. ஒரு போதும் மற்றவர்களுக்கு துன்பம் இழைக்காமல் இருக்கும் பழக்கை வளர்த்துக் கொள்ளுங்கள். உங்களது மனப்பாங்கையும், பழக்கங்களையும் திருத்திக் கொள்ளுங்கள். மற்றவர்களைப் புரிந்து கொள்ள முயன்று,அவர்களிடம் அனுதாபம் கொண்டு அவர்களுக்கு உதவுங்கள். இழிச் சொற்களையும், விமரிசனத்தையும் உங்களுக்கு வழங்கப் பட்ட விருதுகளாக ஏற்றுக் கொள்வதற்கு பயிலுங்கள். ஒருவரது நடத்தை மற்றும் இயல்பு எப்படிப் பட்டதாக இருந்தாலும், ஒவ்வொருவரிடமும் நட்புணர்வுடன் இருங்கள். மன மகிழ்ச்சியுடன் இருப்பது ஆன்மீக முன்னேற்றத்திற்குத் தேவையான ஒன்றாக இருந்தாலும், பல விஷயங்கள் அந்த மகிழ்ச்சியான சூழ்நிலையை உங்களுக்குக் கிடைக்காமல் தடுக்கலாம். எனவே, இப்படிப் பட்ட தடைகளிலிருந்து மீள, நீங்கள் மனமார்ந்து பிரார்த்திக்க வேண்டும். மந்திரங்களை உச்சாடனம் செய்வது இதற்கு நன்கு உதவி புரியும்.