அஹங்காரம் நிறைந்த மனிதர்கள் மற்றவர்கள் மீது ஆதிக்கம் செலுத்துவதை விரும்புகிறார்கள். அவர்கள் அனைத்தையும் சுய நலம் மற்றும் சுய நேசம் என்ற புகை படிந்த கண்ணாடிகள் மூலம் பார்க்கிறார்கள். '' என்னுடைய வாரத்தைகள் தான் உண்மை'', '' என்னுடைய கருத்துத் தான் சரியானது'' '' என்னுடைய செயல்கள் தான் சரியானவை '' இப்படிப்பட்ட நடத்தை ஆன்மீக சாதகர்களுக்கு மிகவும் தீமையானவை. சாதகர்கள் எவரிடமிருந்து வந்தாலும், நடுநிலையான விமரிசனத்தையோ, கருத்தையோ, அல்லது அறிவுரையையோ ஆர்வத்துடன் எதிர்பார்க்க வேண்டும். மேலும்,சாதகர்கள் கலந்துரையாடல் மற்றும் வாக்குவாதம் ஆகியவற்றைக் குறைத்துக் கொள்ள வேண்டும்; ஏனெனில் இவை போட்டி மனப் பாங்கை உருவாக்கி,கோபம் நிறைந்த எதிர்ப்பு மற்றும் பழிவாங்கும் சண்டைகள் ஆகியவற்றிற்கு ஒருவரை கொண்டு விட்டு விடுகின்றன. உலகில் புகழ் அடைவதற்காக போராடாதீர்கள். உங்களது பெருமைகளை உலகம் புரிந்து கொள்ளாத போது கோபம் அடையவோ, தாழ்மையாக உணரவோ வேண்டாம். நீங்கள் ஆன்மீக வெற்றிக்காக ஏங்கும் சாதகர்களானால்,இதை முதலில் முக்கியமாக கற்றுக் கொள்ளுங்கள். நீங்கள் புகழப்படும் போது மகிழ்ச்சி கொள்ளாதீர்கள்; அதில் தான் உங்களை நிலை தடுமாறச் செய்து, உங்களது முன்னேற்றத்தையே பாதித்து விடும் ஒரு பயங்கரமான வலைப் பொறி உள்ளது.