இறுமாப்பு,பொறாமை,கோபம்,மற்றவர்களது தவறுகள் மற்றும் தோல்விகளைப் பற்றித் தெரிவிப்பதில் ஆர்வம்,ஏமாற்றுவது என்ற இந்த அனைத்தும் ஆன்மீகப் பாதையில் தடைகளாக இருப்பவை. இவை வெளிப்படையாகக் காணப்படாவிட்டாலும்,ஒருவரை இந்தத் தவறான திசைகளில் செல்ல வைக்கும் தூண்டுதல்கள் மனதில் மறைந்து இருக்கும். பல காலத்திற்கு மூடி வைக்கிப் பட்டிருந்த அறையைத் திறக்கும் போது,அது தூசு படிந்து,துர்நாற்றத்துடன் இருப்பதைக் கண்டு, எவ்வாறு அதைச் சுத்தம் செய்து, வசிப்பதற்கு ஏற்றவாறு பலவாறு பெருக்கித் துடைக்கிறோமோ, அவ்வாறே மனதை தியானத்தினால் தூய்மைப் படுத்த வேண்டும். ஆன்மீக சாதகர்கள், உள்ளார்ந்த கண்ணோட்டத்தின் மூலம், மனம், அதில் உள்ளவை, அதன் நிலை ஆகியவற்றை கட்டாயம் ஆராய வேண்டும். சரியான கட்டுப்பாடான பழக்கங்களின் மூலம் முறையாக, சிறிது சிறிதாக படிந்திருக்கும் மாசுக்களை அகற்ற வேண்டும். உதாரணமாக, இறுமாப்பு ஆழமாகப் பதிந்தும்,அடிபணியாத ஒன்றாகவும் இருக்கும். சில காலங்களுக்கு கருகி ,அழிந்து விட்டதைப் போன்று தோன்றினாலும், சுலபமாக முளைத்து எழுந்து விடும். ஒரு வாய்ப்பு கிடைத்து விட்டால், அது மனதில் பல கிளைகளாக உருவெடுத்து எல்லாத் திசைகளில் பரவி விடும். எனவே எப்போதும் கவனமாக இருங்கள்.