ஆன்மீக சாதனையின் ஒவ்வொரு படியையும் வெற்றிகரமாகத் தாண்டி வரும் போதுதான், எப்போதும் ஆன்மீக முன்னேற்றத்தில் வெற்றி கிட்டுகிறது.பல விதங்களில் நவ வித பக்தியை தொடர்ந்து பின்பற்றும் போது, ஆன்மீக முன்னேற்றம் மெதுவாக நகரலாம் ஆனால்,கட்டாயம் கிடைக்கும். இறைவனது கரங்கள்,பாதங்கள்,முகம் மற்றும் ரூபங்கள் எங்கும் உள்ளன,ஏனெனில் அவன் அனைத்திலும் உள்ளான். அவன் அனைத்துக் கண்கள் மூலம் காண்கிறான். அனைத்துத் தலைகளாலும் எண்ணி, திட்டமிட்டு, முடிவுக்கும் வருகிறான். அவன் அனைத்து வாய்களாலும் உண்கிறான் , ஒவ்வொரு காதாலும் கேட்கிறான். அவனது ஒரு குறிப்பிட்ட ரூபம் உங்களுக்கு பிரியமானதாக இருந்தாலும்,அவனை எல்லா ரூபங்களாகவும் போற்றலாம். மிக உயர்ந்த ஸத்தியத்தை உணர்த்தும், உன்னதக் கோட்பாடான, அனைத்திலும் அவன் நீக்கமற நிறைந்திருக்கிறான் எனக் கருதி வழிபடுவது '' ப்ரதிரூப உபாஸனை'' எனப்படுகிறது. அவன் அனைத்து ஜீவராசிகளிலும் உள்ளுறைகிறான்; கண்களுக்குப் புலப்படாது, அனைத்தின் உள்ளும், அனைத்தின் மூலமும் அவன் இயங்குகிறான்.