மக்கள் தங்களது விருப்பப்படி எல்லாம் நடக்கலாம்,ஆனால் தங்களது செயல்களின் விளைவுகளிலிருந்து தப்பவே முடியாது. ஒருவர் மடையன் ஆனாலும், மஹான் ஆனாலும் தங்களது செயல்களின் விளைவை எதிர் கொண்டே ஆக வேண்டும். பாவம் செய்து விட்ட பிறகும் தப்பி விட முடியும் என்ற மாயையில் ஒருவரும் இருக்க வேண்டாம்.நீங்கள் எங்கு சென்றாலும் உங்களது செயல்களின் விளைவுகள், உங்களது நிழல் போல உங்களைத் தொடர்ந்து வந்து கொண்டே இருக்கும். கடவுள் உன் அருகில் எப்போதும் இருந்து கொண்டு,'' ததாஸ்து, ததாஸ்து'' அதாவது '' அப்படியே ஆகட்டும் '' என்று கூறிக் கொண்டிருப்பார். மக்கள், இந்த உண்மையை உணராது தீய செயல்களில் ஈடுபடுகிறார்கள். நல்லது எது,கெட்டது எது என்று நன்கு அறிந்திருந்த போதிலும், தங்களது தீய வழிகளை விட முடியாது தவிக்கிறார்கள். வாழ்வில் ஒருவர் அனுபவிக்கும் நன்மை, தீமைகள் அவரவரது செயல்களைப் பொறுத்தே இருக்கும். தீய விளைவுகளைத் தவிர்க்க வேண்டும் என்றால்,எந்த ஒரு செயலை ஆற்றும் முன்பு,அது நல்லதா, கெட்டதா என்று எப்போதும் ஆராய்தல் வேண்டும்.