பலவாகக் காணப்படுவற்றில் உறையும் ஒன்றை அதாவது வேற்றுமையில் உள்ள ஒற்றுமையை,நீங்கள் உணர வேண்டும். இதுவே செய்ய வேண்டிய சரியான ஒன்று. அதாவது, தெய்வீக ஆத்மாவே அனைவருள்ளும் உள்ளது என்பதைக் உணர்ந்து எப்போதும் உதவி செய்தல் வேண்டும்;ஒருபோதும் தீங்கிழைக்கக் கூடாது. உங்களால் எந்த உதவியும் செய்ய இயலவில்லை என்றால்,குறைந்த பட்சம் தீங்கிழைக்காது இருக்க வேண்டும். அனைவருள்ளும் தெய்வீகத்தைக் கண்டு, புனிதமான செயல்களைச் செய்யுங்கள். பஞ்ச பூதங்களை வீணடிக்கவோ, தவறாகப் பயன்படுத்தவோ கூடாது. உலகில் உள்ள பொருட்களில் பற்றுதல் கொண்டு,இந்த உலகோடு பிணைந்திருப்பது, எதிர்மறையான முறையாகும். தெய்வீகத்தை நோக்கித் திரும்பும் நேர்வழியைப் பின்பற்றுங்கள். உங்கள் மனதைத் திருப்பவதில் தான் வித்தியாசம் உள்ளது. அதை உலகை நோக்கித் திருப்புங்கள்,பிணைக்கப் படுகிறீர்கள்; இறைவனை நோக்கித் திருப்புங்கள், விடுதலை அடைகிறீர்கள். பிறப்பு,இறப்பு அற்று எப்போதும் சாக்ஷிபூதமாக இருப்பவன் இறைவன்;நீங்கள் அவனது அன்பைப் பெற கடும் முயற்சி எடுக்க வேண்டும். இறைவனது அன்பைப் பெறுபவர் அனைவரது அன்பையும் பெறுவர். அன்பே இறைவன் என்பதை உணர்ந்து விட்டீர்களானால், உலகிலுள்ள பொருட்களில் பற்று வைக்க மாட்டீர்கள்.