அன்பு ,வாழ்வின் மிக முக்கியமான அம்சமாகும். நீங்கள் இறைவனிடம் ஆழ்ந்த அன்பு மற்றும் பக்தியுடனும் பிரார்த்தித்தால்,உங்களது அனைத்து பிரார்த்தனைகளுக்கும் விடை கிடைக்கும். அன்பின் சக்தி அப்படிப்பட்டது. அன்பின்றி, இந்த உலகியல் வாழ்க்கையில் கூட எதையும் சாதிக்க இயலாது. அன்பே இறைவன்,அன்பில் வாழுங்கள் ! அன்பில்லையெனில் உலகனைத்தும் சூன்யமாகிவிடும்.அந்த அன்பு மட்டுமே ஒரு உருவத்தை ஏற்று வருகிறது. இந்த உண்மையை உணருங்கள். மனிதநேயத்தை விட சக்தி படைத்தது இந்த உலகில் எதுவுமில்லை.இறைவனது படைப்பில் அனைத்தும் பிரதிச்செயல், பிரதிபலிப்பு மற்றும் பிரதித்வனியே. வெளி உலகில் நாம் அனுபவிக்கும் அனைத்தும் உள்ளுணர்வின் பிரதிச்செயல், பிரதிபலிப்பு மற்றும் பிரதித்வனிகளே. உங்களது அன்பின் சுடர் ஊசலாடாது நிலையாக இருக்கட்டும். அன்பை விட மேன்மையான சாதனை எதுவுமில்லை. எல்லாக் காலங்களிலும் நீங்கள் மேற்கொள்ள வேண்டிய ஆன்மீகப் பயிற்சி அதுதான். தெய்வீகம் எங்கும் நீக்கமற நிறைந்துள்ளது. தெய்வீக அன்பை வளர்த்துக் கொள்வதன் மூலம், எங்கும் நிறைந்துள்ள இறைவனை உங்களுள்ளேயே உணருங்கள்.