புலன்கள் அடிப்படையில், எப்போதும் வெளிப்புறமான நோக்குடையவை. எனவே, அப்பாவிகளை, ஓயாது வெளி உலகின் பொருட்களின் மீது இழுத்துச் செல்கின்றன. எனவே,பகுத்தறிவு மற்றும், துறவு மனப்பாங்குடன் ஆன்மீக சாதகன்,பாய்கின்ற போர்க்குதிரைகளை கடிவாளமும்,சாட்டையும் கொண்டு அடக்கும் ஒரு தேராட்டியைப் போல, புலன்களின் வெளி நோக்கான பாதையில் தடைகளை உண்டாக்கி, அவற்றின் எழுச்சிகளை அடக்க வேண்டும். கட்டுப்பாடற்ற புலன்கள் பேரழிவை உண்டாக்கும். எனவே,தியானத்திற்கு முன்பே, நல்ல பழக்கங்களை வளர்த்துக் கொள்ளுங்கள். தியானத்திற்கு ஸத்வ குணம் அடிப்படையாக இருக்க வேண்டும். நல்ல பழக்க வழக்கங்களினால், குணநலன்களைப் பண்படுத்தி,மனதை தூய்மைப் படுத்த வேண்டும். தியானம் இந்த தூய்மைப் படுத்தும் செயல் பாட்டைத் தொடர வேண்டுமே அன்றி, இதற்கு முன்பே செய்யப் படுவதல்ல.மனதைத் தூய்மைப் படுத்தாது,தியானம் செய்ய மேற்கொள்ளப்படும் எல்லா முயற்சிகளும் காலத்தை வீணடிப்பதாகும். நற்பழக்கங்களின் கட்டுப்பாடின்றி, முன்கூட்டியே தியானம் செய்ய விழைந்த பல பெரியோர்கள், தமது வாழ்க்கையை நாசமாக்கிக் கொண்டுள்ளார்கள்.