மனம் எண்ணிலடங்காத செயல்களைத் திட்டமிட்டு, நடத்துவது,பரந்த பிரதேசங்களைச் சுற்றித் திரிவது என அனைத்தையும் கண் மூடிக் கண் திறக்கும் நேரத்திற்குள் செய்து விடுகிறது ! அது கற்பனைக்கு எட்டாத வேகத்தில் பணியாற்றுகிறது. ஆனால், தியானத்தின் போது, மனம் தியானம் செய்யும் பொருளை விட்டு விலகித் திரிந்து அலைய விடக் கூடாது. எப்போதெல்லாம் அது இணையாக மற்றொரு வழியில் பறக்கிறதோ, அதைத் தியானம் செய்யும் இறை வடிவத்தை நோக்கித் திரும்பவும் கொண்டு வர வேண்டும். ஆரம்பத்தில் ஒரே ஒரு இறைவடிவத்தை மீது தான் தியானம் செய்ய வேண்டும். நீங்கள் ஒன்றிலிருந்து மற்றொரு இறை வடிவத்திற்கு தினமும் மாற்றிக் கொண்டிருக்கக் கூடாது. முனைப்பில் முழுப் பலன் பெற,மனதிற்குப் பிடிக்காத குறிக்கோளை தியானத்திற்குத் தேர்ந்து எடுக்காது இருப்பதில் கவனமாக இருக்க வேண்டும்; ஏனென்றால், நீங்கள் எவ்வளவு கடினமாக முயன்றாலும் மனம் அதில் குவிந்து இருக்காது. எனவே, ஆரம்பத்தில், மனதிற்கு ஆனந்தம் அளிக்கும் ஒரு குறிக்கோளை எடுத்துக் கொள்ளுங்கள். அதே போல், ஆன்மீகப் பயிற்சியின் போது, உங்களுக்குப் பிடிக்காத, வேதனை அளிக்கக் கூடிய, உங்களது நம்பிக்கையை குலைக்க வல்ல எண்ணங்களில் மனதை ஈடுபடுத்தக் கூடாது. அப்படிப் பட்ட எண்ணங்கள் வந்தால், படிப்படியாக, அவற்றை நன்மை பயக்க வல்லதாக வரவேற்கக் கற்றுக் கொண்டு , அவற்றில் உள்ள தீயவற்றிற்குப் பதிலாக, நல்லவற்றைப் புரிந்து கொள்ள முயல வேண்டும் .