மனம் ஒரு பொருளை விரும்புகிறது,சிறிது அதனுடன் விளையாடிவிட்டு,வெகு விரைவில்,அதைத் தள்ளி விட்டு , அதைவிட கவர்ச்சியான மற்றொரு பொருளை நோக்கிப் பறந்து , அதைப்பற்றிக் கவலைப் பட ஆரம்பிக்கிறது. ஆன்மீக சாதகர் மனதின் இத்தகைய தன்மையைப் பற்றி எப்போதும் கவனமாக இருக்க வேண்டும். எப்போது மனம் ஒரு பொருளிலிருந்து மற்றொன்றிற்குத் தாவுகிறதோ,அதை மறுபடியும் சரியான பாதைக்கு,சரியான பொருளை நோக்கித் திரும்பக் கொண்டு வர வேண்டும். இந்த முனைப்பு மற்றும் தியானம் பொருந்திய பாதையே சரியான ஆன்மீகப் பயிற்சியாகும். ஆனால் இப்படிப் பட்ட ஒருமித்த முனைப்பிற்காகப் போராடாது, சாதகர்,மனதை அதன் வழியில் இதிலிருந்து அதற்கும்,அதிலிருந்து இதற்குமாக தாவ விட்டால், ஆன்மீக முன்னேற்றத்திற்கு மிகவும் குந்தகம் விளைவிக்கும் இந்த பயிற்சியை ' குரங்கு தியானம் ' என்றுதான் அழைக்க வேண்டும். நீங்கள் மனதை ஒருமுகநோக்குடன், கூர்மையாக தியானிக்குமாறு திருப்ப வேண்டும். இப்படி ஒருமுகப்படுத்துவது உங்களுக்கு தெய்வீக ஆனந்தம்,அளவற்ற ஞானம், உள்ளார்ந்த ஒளி, ஆழ்ந்த உண்மைகளின் நுண்ணறிவு, மனத்தெளிவு மற்றும் இறைவனுடன் ஒன்றிணைவது ஆகியவற்றை அளிக்கும்.