இன்றைய விஞ்ஞான உலகத்தில்,அமைதியாக வாழ்க்கை நடத்துவது மேலும் மேலும் கடினமான ஒன்றாக ஆகிக் கொண்டே வருகிறது. மனிதர்கள் பல விதமான உடல் மற்றும் மன ரீதியான நோய்களுக்கு ஆளாகி வருகிறார்கள். கலாசாரத்தில் முன்னிலையில் இருக்கின்ற பல நகரங்களில் உள்ள மக்கள் இயல்பான தூக்கத்தின் மகிழ்ச்சியை இழந்து விட்டார்கள். மாத்திரைகளால் தூண்டப் பட்ட செயற்கையான தூக்கத்தை அனுபவிக்கிறார்கள். இப்படிப் பட்ட அபரிமிதமான மருந்துகளைப் பயன்படுத்துவதன் மூலம் இருதயம் மற்றும் இரத்தக் கொதிப்பு பிரச்சனைகள் பெருகி வருகின்றன.கவலை மற்றும் பயத்தில் மூழ்கி ,ஆரோக்கியமின்றி மனமுடைந்தவர்களாக மனிதர்கள் உருவாகிக் கொண்டிருக்கிறார்கள். மருந்துகளும் ,மாத்திரைகளும் லக்ஷக் கணக்கில் உற்பத்தி செய்யப் படுகின்றன ஆனால், பொதுவான ஆரோக்கியம் முன்னேற்றம் அடையவில்லை. உண்மையில், புதுவிதமான நோய்கள் தோன்றி வேகமாக வளர்ந்து வருகின்றன . புத்திசாலியான சிலரே யோகம் ,மற்றும் ஆன்மீகப் பயிற்சிகளின் நற்பலனைப் புரிந்து கொண்டிருக்கிறார்கள். இதை அவர்கள் தங்களது சொந்த அனுபவங்களின் மூலம் உறுதி செய்துள்ளார்கள்.