மனம் என்ற மாபெரும் மரத்தில் இரண்டு விதைகள் உள்ளன; ஒன்று வாஸனா ( உந்துதல்கள்) மற்றொன்று ப்ராணா (உயிர்மூச்சு) . விதை மரமாகிறது; மரம் விதையை அளிக்கிறது. ப்ராணா, வாஸனைகளால் செயல்படுகிறது. வாஸனைகள் ப்ராணனினால் இயங்குகின்றன. இதில் ஒன்று அழிக்கப் பட்டாலும், மற்றொன்றும் அழிந்துவிடும். வாஸனைகளைத் தூய்மைப் படுத்தி, மனதை எதிர்மறையானவற்றின் தாக்கத்திலிருந்து விடுவிக்க வேண்டும் என்றால், அஞ்ஞானத்தை மாற்ற வேண்டும். அஞ்ஞானம் தனித்து இருப்பதில்லை; அதற்கு அஹங்காரம் என்ற அசுரப் பிள்ளை உண்டு. இந்த அசுரனுக்கு பற்றுதல்( ராகா ) மற்றும் வாஸனை என்று இரண்டு பிள்ளைகள். இவை இரண்டும் ஒன்றுக்கொன்று உறவான சகோதரிகள். பற்றுதல்களின் காரணமாக, ஒருவருக்கு 'தான்' 'எனது' என்ற உணர்வுகள் தோன்றி, அதனால் ஆசைகள் தூண்டப் படுகின்றன; ஆசைகள் கவலைகளை உருவாக்குகின்றன. எனவே, அஹங்காரத்தை விடுத்து, பற்றுதல்களையும், உந்துதல்களையும் அழித்திட வேண்டும். தியானம் மற்றும் ஆன்மீக சாதனைகளின் மூலம், நீங்கள் அஞ்ஞானம், அஹங்காரம், பற்றுதல்கள் ஆகியவற்றை வென்று, வாஸனைகளைத் தூய்மைப் படுத்த முடியும். இது உங்களை விடுதலை பெற்றவர்களாக ஆக்கும்.