தூய்மையற்ற மனோபாவங்கள், கீழ்த்தரமான ஆசைகளுக்குத் தேவைப்படும் காட்சிகளைப் பார்ப்பது, ரஜோகுணங்கள் நிரம்பிய உணவுகளை உண்பது , கோபம், மயக்கம், பேராசை, ஏய்ப்பது, பொறாமை போன்ற குணங்களை வளர்த்து, மனிதப் பண்புகளை சீரழிக்கும் பானங்களைக் குடிப்பது போன்ற கெட்ட பழக்கங்களுக்கு வழி வகுக்கின்றன. இப்படிப்பட்ட மனோபாவங்கள் மூன்று வகையானவை; உலகியலானவை,மேதாவித்தனமானவை,மற்றும் உடலியலானவை. அழகிய உடல்கட்டு, பலம் பொருந்திய உடல்வாகு, சுருக்கங்களால் எப்போதுமே அலங்கோலமாகாத பளபளக்கும் சருமம், கட்டு மஸ்தான தசைகள் ஆகியவற்றை உடலியலான தூண்டுதல்கள் மக்களை நாட வைக்கின்றன. மேதாவித்தனமான தூண்டுதல்கள் குறிப்பிட்ட துறையில் தன்னை மிகப் பெரிய மேதாவி என அறியச் செய்து, அந்தத் துறையில் தனக்குப் போட்டியாக உள்ள அனைவரையும் தோற்கடிக்க வேண்டும் என்ற ஆவலை வளர்க்கின்றன. உலகியலான தூண்டுதல்கள் புகழ், பெயர், படாடோபம், தனிப்பட்ட அதிகாரம் ஆகியவற்றை நாட வைக்கின்றன. இவை அனைத்துமே தீய தூண்டுதல்களே.இவை அனைத்தும் பிறப்பு ,இறப்பு என்ற ஸம்ஸாரத்தில் உங்களைப் பிணைத்து,இந்த உலகத்துடன் கட்டிப் போட்டு விடுகின்றன.