புனித குரான், அனைவரும் ஒற்றுமை, ஒருவரை ஒருவர் சார்ந்திருக்கும் தன்மை, சுய நலமற்ற அன்பு, தெய்வீகத்தின் இயல்பான தன்மை ஆகியவற்றை வளர்த்துக் கொள்ள வேண்டும் என்று போதிக்கிறது. அனைவரும் ஒன்றாக இணைந்து பிரார்த்திப்பது பயனுள்ள அதிர்வுகளை உண்டாக்குகின்றன. இஸ்லாமில், தொழுவதும் கூட்டமாகச் சேர்ந்து செய்யும் ஒரு செயல்பாடாகும். ஏங்கும் இதயங்கள் மிகப் பெரிய கூட்டமாகக் குழுமி, இறைவனை வணங்கும் போது, பேரானந்தம் கிட்டும் என இஸ்லாம் உறுதி அளிக்கிறது. அனைவரும் மசூதியை நோக்கித் தலை வணங்குகிறார்கள். முழங்கால்களை மடித்து, வரிசையாக அமர்ந்து, அவர்களது நெற்றிகளும், உள்ளங்கைகளும் தரையைத் தொடுமாறு செய்து, இறைவனின் ஆணைக்கு அடிபணியும் முகமாக முன் குனிகிறார்கள். இறைவன் ஒருவனே; அனைத்து மதங்களின் போதனைகளும் அவனை அன்பு, இரக்கம் ,சகிப்புத்தன்மை மற்றும் பரிவு கொண்டவனாகவே உயர்த்திக் கூறுகின்றன. இறைவனின் கருணையை, நியாயமான, நேர்மையான வாழ்க்கையால் தான் பெற முடியும்; பணம், பதவி, மற்றும் பாண்டித்தியத்தால் பெற முடியாது என்று இஸ்லாம் அறிவுறுத்துகிறது. புனிதமான அன்பு மட்டுமே இறைவனை மகிழ்விக்க முடியும். இதுவே எல்லா மதங்களின் போதனையாகும்.